Эр зоригт 22 настай залууд дэлхий мэхийн ёсолж байна


Индонезийн Сулавеси аралд болсон хүчтэй газар хөдлөлт, цунамигийн улмаас амиа алдагсдын тоо 1200-г давсан байна. 7.5 баллын хүчтэй газар хөдлөлт болсны улмаас Донгала болон Палу хотын тосгонууд руу 3 метр өндөр давлагаа орж иржээ. Индонезийн Гамшгийн нөлөөллийг бууруулах агентлагийн мэдээлснээр, Палу хотод 821, Донгала хотод 11 хүн амиа алдсан байна. Үүний зэрэгцээ 540 хүн хүндхэн гэмтэл авсан бол 16000 гаруй хүн орон гэрээ орхин нүүхэд хүрсэн байна. Одоогийн байдлаар ямар хэмжээний хохирол учирсныг албаны хүмүүс тогтоогоогүй байгаа бөгөөд цаашид амиа алдагсдын тоо нэмэгдэх төлөвтэй байгаа ажээ.

Индонезод болсон энэхүү байгалийн гамшгийн үеэр тус улсын онцгой байдлын аврах ажиллагааны хэдэн хэдэн албан хаагч амь үрэгдсэн харамсалтай явдал болжээ. Тэднээс газар хөдлөлтийн үеэр хамгийн сүүлийн онгоц аюулгүй нисэх зурвасыг орхитол нурж байгаа нислэгийг удирдах цамхагт үлдэн албан үүргээ гүйцэтгээд улмаар 22 насандаа амиа алдсан  Gunawan Agung хэмээх залууд дэлхий мэхийн ёсолж байна.

Эх сурвалж: www.SETGUULCH.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй.


Сэтгэгдэл үлдээх

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SETGUULCH.mn хариуцлага хүлээхгүй болно.