Дахин хоёр хүний цогцос дулааны шугамаас олдлоо


Саяхан дулааны шугамын худгаас нэгэн эрэгтэй хүний цогцос олдсон гэх таагүйхэн мэдээ гарсан. Тэгвэл дахин хоёр ч хүний цогцос дулааны шугамын худгаас олдсон харамсалтай мэдээ байна. Тодруулбал өчигдөр буюу 2018 оны гуравдугаар сарын 13-ны өдөр Нийслэлийн Баянгол дүүргийн 4 дүгээр хороонд дулааны шугамын худагт 1 хүний цогцос байна гэсэн дуудлага ОБЕГ-т ирүүлснээр онцгой байдлын албан хаагчид удаж муудсан нэр, насыг тодорхойлох боломжгүй эрэгтэй хүний цогцсыг гаргаж тус дүүрэг дэх Цагдаагийн 2 дугаар хэлтсийн жижүүрийн бүрэлдэхүүнд шилжүүлэн өгчээ. Түүнчлэн Нийслэлийн Баянгол дүүргийн 15 дугаар хороонд дулааны шугамын худагт 1 хүний цогцос байна гэсэн дуудлагыг 03.13-ны өдрийн 17:25 цагт ОБЕГ-т ирүүлснээр иргэн С /50 настай, эрэгтэй/-ын цогцсыг гаргаж тус дүүрэг дэх Цагдаагийн 1 дүгээр хэлтсийн жижүүрийн бүрэлдэхүүнд шилжүүлэн өгсөн байна.

Эх сурвалж: www.SETGUULCH.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй.


Сэтгэгдэл үлдээх

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SETGUULCH.mn хариуцлага хүлээхгүй болно.