Даамчин Б.Есүй блиц ангилалд дэлхийн аварга боллоо


Зуун буудалт даамын өсвөр, залуучуудын ДАШТ Беларусь улсын Гомель хотноо болж байгаа бөгөөд Өчигдөр буюу пүрэв гарагт тэмцээний блиц (түргэвчилсэн) тоглолтын охидын 8-10 насны ангилалд өрсөлдсөн Батдаваагийн Есүй тэргүүн байрт шалгарч Дэлхийн аварга болсон байна.

Тус тэмцээнд манай улсаас 24 тамирчин дөрвөн насны ангилалд өрсөлдөж байгаа юм. Спортын мастер Д.Чойжилсүрэнгийн удирдлага дор бэлтгэлээ хийдэг, "Монгени" сургуулийн сурагч Б.Есүй 9 өрөг тоглохдоо 7 хожиж, 1 тэнцэн, 1 хожигдон, 15 оноо авсан байна.

Дашрамд сонирхуулахад, Б.Есүй блицийн дэлхийн аварга болсон хоёр дахь тамирчин бөгөөд 2016 онд Дорноговь аймгийн тамирчин Э.Хүслэн Туркийн Измирт болсон ДАШТ-ий түргэвчилсэн тоглолтын төрөлд түрүүлж байсан билээ.

Эх сурвалж: www.SETGUULCH.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй.


Сэтгэгдэл үлдээх

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SETGUULCH.mn хариуцлага хүлээхгүй болно.